پاکستان اتے امریکا ڈو طرفہ تے علاقائی سانجھے مقاصد دے حصول سانگے رابطے استوار رکھنڑ تے اتفاق کیتے ، اتفاق رائے وزیر خارجہ شاہ محمود قریشی تے امریکی وزیر خارجہ مائیکل آر پومپیووچال تھیونڑ آلی ملاقات اچ طے پاتے ، دفتر خارجہ دے ترجمان دا بیان
FOREIGN MINISTER, MAKHDOOM SHAH MAHMOOD QURESHI WITH THE US SECRETAY OF STATE MIKE POMPEO IN WASHINGTON.
واشنگٹن ۔ 3 اکتوبر (اے پی پی) پاکستان اتے امریکا ڈو پاسے علاقائی سانجھے مقاصد دے حصول سانگے رابطے استوارکرنڑ تے اتفاق کیتے ، اے اتفاق رائے وزیر خارجہ شاہ محمود قریشی اتے امریکی وزیر خارجہ مائیکل آر پومپیووچال گزریل ڈینھ اتھاں محکمہ خارجہ اچ تھیونڑ آلی ملاقات اچ طے پاتے جیں اچ سانجھی دلچسپی دے وسیع تر ڈو طرفہ تے علاقائی امور تے تبادلہ خیال تھیا ،ڈوہیں ایں امر تے وی اتفاق کیتے جو افغان طالبان سانگے اے مناسب وقت ہے جو او مذاکرات دے موقع توں فائدہ چیندے ہویں سیاسی تصفیہ دے موقع توں فائدہ چاون ۔بدھ کوں ترجمان دفتر خارجہ ولوں جاری بیان دے مطابق وزیر خارجہ جیرھے جو اپنڑے امریکی ہم منصب دی دعوت تے واشنگٹن دا سرکاری دورہ کریندے پن، انہاں آکھیا جو پاکستان تے امریکا وچال نیڑے رابطے ہمیشہ سانجھے طور تے مفید تے جنوبی ایشیا اچ استحکام دا عنصر رہ گے ۔شاہ محمود قریشی حکومت دے ترقیاتی اتے عوامی توجہ دے حامل ایجنڈے کوں اجاگر کیتا جیرھا جو پاکستان دی ہمسائیگی اچ امن تے سلامتی تے منحصر اے ۔وزیر خارجہ آکھیا جو پاکستان اتے امریکا افغانستا تے خطے اچ امن تے استحکام دی سانجھی خواہش رکھیندن ۔انہاں افغانستان اچ سیاسی تصفیہ سانگے پاکستان دی حمایت دا اعادہ کیتا تے آکھیا جو طاقت دا استعمال نتیجے دے حصول اچ ناکام رہیے۔ وزیر خارجہ ایں گال تے زور ڈتے جو جنوبی ایشی اچ امن جیرھا جو امریکا تے پاکستان دا سانجھا مقصد وی ہے ،جموں تے کشمیر دے بنیادی جھیڑے دے حل دے بغیر ممکن کائنی ۔وزیر خارجہ داخیر مقدم کریندے ہوئیں امریکی وزیر خارجہ مائیکل پومپیو آکھیا جو امریکا پاکستان دی نویں حکومت دے نال اصلاحاتی ایجنڈے تے عملدرآمد سانگے رل تے کم کرنڑ چاہندے انہاں افغانستان اچ سیاسی مفاہمت سانگے پاکستان دی حمایت تے ہمسائیگی اچ امن دیاں کوششاں دی تعریف کیتی ۔
