اسلام آباد۔4اگست (اے پی پی) مشیر برائے امور کشمیر تے گلگت بلتستان قمر زمان کائرہ آکھیا جو بھارت آپݨے قبضے اچ جموں تے کشمیر اچ ڈٰیموگرافی بدلݨ سازش اے۔ اے سارے اقدامات اقوام متحدہ دی سلامتی کونسل دی قرارداداں اتے چوتھے جنیوا کنونشن سودھے سارے بین الاقوامی قوانین دی کھلی خلاف ورزی اے۔ 5 اگست یوم استحصال کشمیر دے موقع تے خصوصی سنیھے اچ انہاں آکھیا جو ترائے سال پہلے 5 اگست 2019 کوں بھارت مقبوضہ جموں تے کشمیر اچ غیر قانونی اتے ہک پاسہ اقدامات کیتے۔ انہاں اقدامات دا مقصد بھارت دی اوں مذموم حکمت عملی دا نفاذ ہئی جئیں دے تحت بھارت مقبوضہ جموں تے کشمیر دی ڈیموگرافی آبادی دا تناسب بدلݨ چاہندے ۔ اے سارے اقدامات اقوام متحدہ دی سلامتی کونسل دی قرارداداں اتے چوتھے جنیوا کنونشن سودے سارے بین الاقوامی قوانین دی کھلی خلاف ورزی اے۔ 05 اگست2019 دے بھارتی غیر قانونی اتے ہک پاسہ اقدامات پاروں مقبوضہ جموں تے کشمیر اچ انسانی حقوق دی صورتحال مسلسل ابتر اتے ناقابل برداشت اے اتے ہݨ تئیں 650 توں ودھ کشمیری شہید تھی ڳئن جئیں اچوں صرف ایں سال 130 بندیاں کوں بھارتی قابض فوج ماورائے عدالت واقعیاں اچ شہید کیتے۔ دنیا بھارت توں اے مطالبہ کرے جو بھارت مقبوضہ جموں تے کشمیر اچ انسانی حقوق دی سنگین خلاف ورزیاں کوں فوری روکے۔ 5 اگست 2019 دے غیر قانونی اتے ہک پاسہ اقدامات کوں واپسی ڳھنے اتے کشمیری عوام کوں آپݨی خواہشات دے مطابق اتے اقوام متحدہ دی سلامتی کونسل دی قرارداداں دے مطابق حق خودارادیت ݙیوے۔
