اسلام آباد۔3ستمبر (اے پی پی):وزیراعظم عمران خان آکھیے جو پوری دنیا اچ ماحولیاتی تبدیلی، غربت اتے غذائی عدم تحفظ وݙے چیلنجز ہن، ترقی پذیر ملکاں کیتے غذائی قلت ٻہوں وݙا مسئلہ اے ، غربت مکاوݨ کیتے چین رول ماڈل اے، کووڈ۔ 19 دی عالمی وبا اقتصادی بحران کوں جنم ݙتے، احساس پروگرام کورونا دے معاشی مسئلیں تے قابو پاوݨ اچ مدد ݙتی ، پاکستان ماحولیاتی تبدیلیاں دا مقابلہ کرݨ کیتے زبردست اقدامات کیتن ، 10 بلین ٹری منصوبہ دے تحت ہݨ تئیں ھک ارب وݨ رادھن ، چنسائو ٹیکنالوجی غربت مکاوݨ تے پائیدار ترقی کیتے موزوں اے۔ اے ڳال انہاں جمعے کوں چین اچ منعقدہ چنسائو معاونت اتے پائیدار ترقی تعاون فورم دی 20 ویں سالگرہ دے موقع تے ویڈیو لنک دے ذریعے خطاب اچ آکھی اے ۔ وزیراعظم چین کوں ایں فورم دی میزبانی اتے پروفیسر لین کوں ”چنسائو” ٹیکنالوجی دی ایجاد تے مبارخ ݙیندے ہوئیں آکھیے جو ایں ٹیکنالوجی توں دنیا دے سو توں ودھ ملک 20 سال توں فیدہ چیندے پئن تے ہݨ تئیں ہزاراں لو??اں ایندے توں فیدہ چاتے ۔ وزیراعظم آکھیے جو دنیا کوں بالعموم تے کرہ ارض دے جنوبی حصے اچ وسݨ آلے لو??اں کوں بالخصوص ماحولیاتی تبدیلیاں، غربت اتے ساریں توں ودھ تے غذائی عدم تحف?? سودھے کئی چیلنجز دا سامݨا اے، غربت دیاں ساریاں صورتاں مکاوݨ دیاں کوششاں پاروں گزریل ݙو ݙھاکیں توں شدید غربت اچ تسلسل دے نال کمی آندی پئی اے تاں جو تاں جوکووڈ۔ 19 دی عالمی وبا اقتصادی بحران کوں جنم ݙتے جیں توں ایں پاسے آئی بہتری سست روی دا شکار تھئی اے ، گزریل 20 سالاں اچ پہلی واری سال 2020 دے دوران غربت وچ ودھارا ݙٹھا ڳئے، ترقی پذیر ملکاں کیتے سارے لو??اں کوں خوراک اتے بہترین غذائیت دی فراہمی ٻہوں وݙا چیلنج بݨ تے ابھریے ، عالمی وبا دے دور اچ اقتصادی بحالی، بڑھوتری اتے ترقی دے حصول دی بابت پ??ئیدار ذرائع اختیار کرݨ ٻہوں اہمیت رکھیندے ۔”چنسائو” ٹیکنالوجی ایجھا ہی ھک ذریعہ ثابت تھی سڳدی اے ، اے چھوٹے کساناں کوں گھٹ لاگت اچ وݙے پیمانے تے کھمبیاں دی کاشت اچ تعاون کریندی اے ، تے ٹیکنالوجی زمیناں کوں بنجر تھیوݨ توں بچاوݨ اچ مددگار ثابت تھی سڳدی اے ، زیادہ مقداراچ پروٹین دی حامل ہووݨ پاروں مال ڈھور دے گھا دے طور تے وی استعمال تھی سڳدی اے ، وزیراعظم آکھیے جو غربت مکاوݨ دے حوالے نال چین ترقی پذیر ملکاں کیتے ھک رول ماڈل اے ، گزریل چار ݙھاکیں اچ چین آپݨی شاندار شرح نمو توں80 کروڑ لو??اں کوں غربت اچوں کڈھیے ۔ وزیراعظم ماحولیاتی تبدیلیاں دے حوالے نال چین دے قائدانہ کردار دی وی تعریف کیتی۔
.jpg)
.jpg)
