لاہور ہائیکورٹ دے جسٹس مسعود جہانگیر اپݨے عہدے توں ریٹائر تھی ڳئن

لاہور۔2دسمبر (اے پی پی):لاہور ہائیکورٹ دے جسٹس مسعود جہانگیر جمعہ دے ݙینھ آپݨے عہدے توں ریٹائر تھی ڳئن۔سبکدوش تھیوݨ آلے جج دے اعزاز اچ الوداعی تقریب تھئی جیں اچ ہائیکورٹ دے ججز شرکت کیتی ۔ہائیکورٹ اہلکاراں دے مطابق لاہور ہائیکورٹ دے جسٹس مسعود جہانگیر 62 سال تھیوݨ تے آپݨے عہدے توں ریٹائرتھی ڳئن ۔چیف جسٹس لاہور ہائیکورٹ جسٹس امیر بھٹی اتے ججز انہاں کوں الوداعی تقریب دے بعد رخصت کیتا۔ چیف جسٹس لاہور ہائیکورٹ ریٹائر تھیوݨ آلے جج کوں گلدستہ پیش کیتا۔جسٹس مسعود جہانگیر 29اکتوبر 2013 اچ ہائیکورٹ دے جج بݨیے تے 9 سال توں ودھ عرصہ بطور ہائیکورٹ جج دے فرائض ادا کیتے۔جسٹس مسعود جہانگیر دی ریٹائرمنٹ دے بعد ہائیکورٹ اچ ججزدی تعداد 41 تھی ڳئی اے تے ججز دیاں 19آسامیاں خالی ہن۔عدالت عالیہ دی منظور شدہ آسامیاں دی تعداد 60 اے ۔

مضمون کا ماخذ : سپر اسپنر

متعلقہ مضامین