وزیراعظم محمد نوازشریف دی چینی ایروسپیس سائنس تے صنعتی تعاون دے ڈپٹی ایڈمنسٹریٹر وی یی ین ، مشینری درآمدی تے برآمدی کارپوریشن دے وفد نال ملاقات اچ گالھ مہاڑ

اسلام آباد ۔ 13 مئی (اے پی پی) وزیراعظم محمد نوازشریف دفاعی پیداوار اتے ایروسپیس دے شعبے اچ چین دی امداد دا خیرمقدم کیتا جیندے نال ملک اچ جامع بھاری صنعتاں دے قیام اچ مدد ملی ہے۔ انہاں اے گالھ جمعے کوں اتھاں وزیراعظم ہائوس اچ چین دی ایروسپیس سائنس تے صنعتی تعاون دے ڈپٹی ایڈمنسٹریٹر وی یی ین اتے چین دی مشینری درآمدی تے برآمدی کارپوریشن دے وفد نال ملاقات اچ گالھ مہاڑکریندے ہوئیں آکھی۔ وزیراعظم دفاعی پیداوار دے شعبے اچ ڈو طرفہ تعاون بشمول مشترکہ کمیٹی دفاعی ٹیکنالوجی تے صنعتی تعاون پاکستان اتے چین دی اسٹیٹ ایڈمنسٹریشن آف سائنس ٹیکنالوجی اینڈ انڈسٹری فار نیشنل ڈیفنس وچال ڈو طرفہ تعاون تے اطمینان دا اظہار کیتا۔ وزیراعظم آکھیا جو مستقبل اچ مختلف شعبیاں اچ تعاون دے مکانات نال اے تعاون بیا پکا تھیسی ۔ وزیراعظم آکھیا جو چین ولوں مکمل تجویز دے بعد چائنا ایروسپیس اینڈ انڈسٹری کارپوریشن ولوں پاکستان اچ ائر ڈیفنس سسٹم دی شمولیت دے فیصلے کو ں اخیری شکل ڈتی ویسی ۔ وزیراعظم وزارت دفاعی پیداوار اتے چین دی ایروسپیس سائنس اینڈ انڈسٹری کارپوریشن وچال ڈوطرفہ دلچسپی دے بئے شعبیاں اچ تعاون دے موجودہ مشترکہ طریقہ کار تے وی تسلی دااظہار کیتا۔ وزیراعظم آکھیا جو سرکاری اتے پاپولر سطح تے ڈوہائیں ملکاں وچال قریبی اتے خوشگوار تعلقات دی پرانڑیں تریخ ہے ۔ وزیراعظم آکھے جو چائنا پاکستان اکنامک کوریڈور ڈوہائیں ملکاں وچال گہری اتے آزمودہ دوستی دا ثبوت ہے۔ انہاں آکھیا جو اے واحد منصوبہ سارے خطے دے لوکیں دیاں زندگیاں اچ تبدیلی گھن آونڑ دی صلاحیت رکھیندے جیندے کیتے حکومت اتے پاکستان دے لوک چینی قیادت اتے لوکیں دے شکر گزار ہن ۔ چائنا ائروسپیس سائنس اینڈ انڈسٹری کارپوریشن دے ڈپٹی ایڈمنسٹریٹر ملک کوں ترقی دے رستے اُتے گھن آونڑ اَتے معاشی ترقی سانگے وزیراعظم دے وژن دی تعریف کیتی۔ چین چائنا پاکستان اکنامک کوریڈور پراجیکٹ تے کم دی رفتار تے تسلی دا اظہار کریندے ہوئیں آکھیا جو پاکستان اتے خطے دے لوکیں دے وڈے معاشی فیدے دے علاوہ اے منصوبہ ڈوہائیں ملکاں کوں بیا نیڑے گھن امسی ۔ چین پاکستان دے مختلف علاقیاں خاص طور تے بلوچستان اچ گیس پائپ لائن اچ سرمایہ کاری اچ ودھ ساری دلچسپی دا وی اظہار کیتا۔ چینی وفد اچ سی پی ایم آئی ای سی دے چیئرمین ژائو زیائو لانگ چینی سفیر سن وی ڈونگ اتے دفاعی اتاشی میجر جنرل کی ہوا جن شامل ہن ۔ ملاقات اچ وزیر برائے دفاعی پیداوار رانا تنویر حسین اتے بئے اعلیٰ حکام وی موجود ہن ۔

مضمون کا ماخذ : estratégias para loteria

متعلقہ مضامین