بھارت دیاں ساریاں چالاں مسئلہ کشمیر توںدنیا دی توجہ ہٹاونڑ سانگے ہن ، سابق سفیر ظفر ہلالی

اسلام آباد ۔ 28 اکتوبر (اے پی پی) سابق سفیر ظفر ہلالی دا آکھنڑ ہے جو مودی جڈاں تئیں برسر اقتدر ہے اساکوں تیار رہونڑ چاہیدے جو جنگ کہیں ویلھے وی چھڑ سگدی ہے۔ ذرائع ابلاغ نال گالھ مہاڑ کریندے ہوئیں انھاں آکھیا جو وزیر اعظم محمد نواز شریف کنٹرول لائن تے بھارتی جارحیت دی پرزور مذمت کریندے ہوئیں آکھیا ہے جو بھارت کوں بین الاقوامی قنوناں دی خلاف ورزی دا منہ تروڑ جواب ڈتا ویسی۔ انھاں آکھیا جو مودی پاکستان کو ںغیر مستحکم کرنڑ دی پالیسی تے عمل پیرا ہے گزریل ڈینھ وی پاکستانی سفارتکار کوں ترائے گھنٹے تئیں حراست وچ رکھ تے ایندے تے تشدد کیتا اتے 36 گھنٹے دے نوٹس تے ملک چھوڑن دا حکم ڈتا ہے۔ انھاں آکھیا جو بھارت دیاں ساریاں چالاں مسئلہ کشمیر توں دنیا دی توجہ ہٹاونڑ اتے ایں مسئلہ تے عالمی برادری دی حمایت حاصل کر نڑ سانگے ہن ۔ انھاں آکھیا جو عالمی لیڈر شپ مودی کوں جانڑدی ہے ، انھاں وی مودی کوں چپ رہونڑ دی ہدایت کیتی ہے جیرھی حمایت مودی چاہندا ہا اوہ ایکوں نی ملی اتے ایندے تے روس، چین، میانمر اتے ایران جئے ملکاں اپنڑے واضح بیاناں وچ آکھیا ہے جو اوہ پا کستان دے نال ہن جیندے تے بھارت کوں منہ دی کھاونڑ پئی ہے۔

مضمون کا ماخذ : فائر جوکر

متعلقہ مضامین