لاہوراچ تحریک انصاف دے عہدیداراں دی اسلحے توں بھریاں ترائے گاݙیاں وٹھیاں ڳئن،وفاقی وزیراعظم نذیر تارڑ

اسلام آباد۔25مئی (اے پی پی) سینیٹ اچ قائد ایوان وفاقی وزیر اعظم نذیر تارڑ آکھیے لاہور اچ تحریک انصاف دے عہدیداراں دی اسلحے توں بھریاں ترائے گاݙیاں وٹھیاں ڳئن ، سینیٹر اعجاز چوہدری دی گرفتاری دی اطلاع ملدے ہی صوبائی حکومت نال رابطہ کیتے ، اعجاز چوہدری اپݨے گھر پڄ ڳئن ، سارے ارکان پارلیمنٹ اساں کیتے محترم ہن، ملک اچ افراتفری کھنڈاوݨ دی کوشش کیتی ویندی پئی اے ، جتھہ بندی کر تے اسلام آبادتے چڑھائی نہ کرݨ ݙتی ویسی ، رانا ثنا اللہ کوں انسداد دہشت گردی دی عدالت ماڈل ٹائون مقدمے توں بری کیتے، لاہور ہائی کورٹ وی فیصلہ بحال رکھیا۔ سینیٹ اچ سینیٹر ہمایوں مہمند، فدا محمد خان، دوست محمد خان اتے بئے ارکان دے نکتے دا جواب ݙیندے ہئیں انہاں آکھیے جو میڈیا تے سینیٹر اعجاز چوہدری دی گرفتاری دی خبر ملدیں ہی پنجاب حکومت نال رابطہ کیتے تے ݙسائے جو او خود چل دے آئے ہن، اساں سیاسی مخالفین توں انتقام تے یقین نی رکھیندے ، وزیراعظم نال مشاورت دے بعد میں ڳالھ کریندا پیاں ۔

مضمون کا ماخذ : شمال کے ڈریگن

متعلقہ مضامین