آئی ایم ایف نال معاہدہ تھی ڳئے، ایشیائی ترقیاتی بینک اتے ورلڈ بینک توں وی فنانسنگ ملݨ آلی اے، وفاقی وزیر خزانہ مفتاح اسماعیل

اسلام آباد۔21جولائی (اے پی پی) وفاقی وزیر خزانہ مفتاح اسماعیل آکھیا جو پام آئل ستا تھیوݨ پاروں ڳھیو اتے خوردنی تیل دے نرخ ڳھٹ ڳئن۔ ݙوجھے اتے تریجھے درجے دے ڳھیو اتے تیل سستے تھی ڳئن۔ جݙانجو درجہ اول دے نرخ وی جلدی ڳھٹ ویسن۔ خمیس کوں وفاقی وزیرخزانہ آکھیا جو درآمدات اچ ڳھٹکی دی پالیسی پاروں ایں سال امپورٹ بل اچ 2.5 ارب ڈالر زرمبادلہ دی بچت تھئی اے جڈانجو جون اچ 7.4 ارب ڈالر دے مقابلے جولائی دے مہینے پنڄ ارب ڈالر ہوسی۔ انہاں آکھیا جو حکومت یوریا کھاد دی سمگلنگ روکݨ کیتے ترجیحی بنیاداں تے کم کیتے اتے یوریا دی سوکھی اتے ڳھٹ نرخ تے دستیابی کیتے ݙو لکھ ٹن یوریا امپورٹ کرݨ دی منظوری ݙتی اے۔ انہاں آکھیا جو آئی ایم ایف نال معاہدہ تھی ڳئے، ایشیائی ترقیاتی بینک اتے ورلڈ بینک توں وی فنانسنگ ملݨ آلی اے۔

مضمون کا ماخذ : سشی ایکسپریس

متعلقہ مضامین