لاہور۔19مارچ(اے پی پی)وفاقی وزیر اطلاعات و نشریات مریم اورنگزیب آکھیے جو عمران خان سیاست دان نئیں دہشتگرد، زمان پارک دہشتگرداں دا مورچہ اتے پٹرول بماں دی لیبارٹری اے، ریاستی اداریاں دی رٹ چیلنج تھیسی تاں ملک اچ خانہ جنگی تھیسی۔ لاہور اچ پریس کانفرنس کریندے وفاقی وزیر اطلاعات آکھیا جو وزیراعظم دی ہدایت تے غریب تے مستحق لوکاں کوں مفت اٹا ݙیوݨ دی سکیم پنجاب دے بعد ہݨ گلگت بلتستان اتے اسلام آباد اچ وی شروع تھی گئی اے، بلوچستان، خیبر پختونخوا اتے سندھ اچ وی پروگرام تیکھے شروع کیتا ویسی۔ انہاں آکھیا جو حکومت عمران خان دا سٹیا ڳند صاف کرݨ اچ ردھی ہوئی اے، آئی ایم ایف نال پچھلی حکومت دے طے کیتے ڳئے اوکھے معاہدے ساکوں اوکھا کیتا ہوئے ٻھل اے پروگرام توڑ پڄسی۔ انہاں آکھیا جو عمران خان چار سال ملک دے مسلط رہیے ڄئیں سیاسی دہشتگرد دا کردار ادا کریندے سیاسی مخالفین کوں انتقام دا نشانہ ٻݨائے، جیلاں اچ سٹیے، ملکی معیشت ٻوڑی، لوکاں کوں بیروزگار کیتے، روزی روٹی کھسی اتے شئیں مہانڳیاں کیتن، اے اقتدار کھیسڄݨ تے ڳالھا تھی چکیے، ایکوں عدالت سݙیندی اے ٻھل اے پیش تھیوݨ دی بجائے فساد کھنݙیندے کیوں جو ایندے کولو کہیں وی الزام دا ولدا کائنی جو ݙیوے، عمران خان بیماری اتے بزرگی دیاں قسماں ݙیندے کارکناں کوں اڳو ڳھن آندے، جیکر اساں ایکوں پکڑݨا ہوندا تاں کہیں دیر ہئی، اے زمان پارک لاہور توں اسلام آباد ٹرائل کورٹ تئیں اسلحہ لہریندا، ریاست تے حملہ کریندا اسلام آباد وی آئے تاں عدالت ول وی نئیں پیش تھیا، پولیس تے وی حملے کیتن، اے صرف سیاسی دہشتگرد نئین اصل دہشتگرد اے جیندا ثبوت زمان پارک توں ملݨ آلا اسلحہ، پترول بم ہین جو اے صرف فساد چاہندے ٻھل ایکوں ریاست نال دہشتگردی نا کرݨ ݙتی ویسی۔
.jpg)
.jpg)
