فرٹیلائزر کمپنیاں ملک دے ہر ضلع اچ کساناں دی سہولت کیتے ماڈل سینٹرز شروع کرن، وفاقی وزیر رانا تنویر حسین

اسلام آباد۔25جولائی (اے پی پی) وفاقی وزیر برائے صنعت تے پیداوار رانا تنویر حسین آکھیا جو فرٹیلائزر کمپنیاں ملک دے ہر ضلع اچ کساناں دی سہولت کیتے ماڈل سینٹرز شروع کرن۔ کساناں دی سہولت اتے زرعی ترقی کیتے کھاد کمپنیاں ولوں ہر ضلع اچ ماڈل سینٹرز کھولیے ویسن۔ اے ڳالھیں انہاں خمیس کوں آپݨی صدارت تھیوݨ آلے فرٹیلائزر ریویو کمیٹی دے اجلاس توں خطاب کریندیں ہوئیں آکھی۔ جاری اعلامیہ موجب اجلاس دا مقصد ملک اچ کھاد دے سٹاک دی دستیابی اتے نرخاں دا جائزہ ڳھنݨ ہئی۔ وفاقی وزیر رانا تنویر حسین آکھیا جو کساناں دی سہولت اتے زرعی ترقی کیتے کھاد کمپنیاں ولوں ہر ضلع اچ ماڈل سینٹرز کھولیے ویسن۔ کسان سینٹرز تے اصل نرخ تے کھاد ڳھن سڳسن۔ انہاں آکھیا جو فوجی فرٹیلائزر کمپنی گزریل ہفتے کڄھ ماڈل سینٹرز دا افتتاح کیتے۔ اینگرو فرٹیلائزر کمپنی ترجیحی بنیاداں تے ماڈل سینٹرز ٻݨاوݨ دی تجویز شیئر کرے۔

مضمون کا ماخذ : لاٹری کے نتائج

متعلقہ مضامین