اسلام آباد۔17جنوری (اے پی پی):وزیراعظم دے نمائندہ خصوصی مذہبی ہم آہنگی و مشرق وسطیٰ اتے پاکستان علماء کونسل دے چیئرمین حافظ محمد طاہر محمود اشرفی آکھیے سارے مکاتب فکر دے متفقہ ضابطہ اخلاق دی خلاف ورزی کرݨ آلیاں دے خلاف قانونی کاروائی کیتی ویسی تے نفرت انگیز تقریر و تحریر دی اجازت نئیں ݙتی ونج سگدی، فلسطینی صدر وزیر اعظم عمران خان دے فلسطین دے مسئلہ تے موقف کوں جرأت آلا اتے امت مسلمہ دی ترجمانی قرار ݙتے ، موجودہ حکومت عقیدہ ختم نبوت و ناموس رسالت ؐ دی چوکیدار اے ، توہین ناموس رسالت اتے فرانس اچ گستاخانہ خاکیاں دے خلاف عالمی سطح تے قانون سازی کیتے ہر ممکن اقدامات کر یندے پیئوں ۔یہ بات انہوں نے متحدہ علماء بورڈ میں پریس کانفرنس سے خطاب کرتے ہوئے کہی ۔ ایں ویلھے علامہ کاظم رضا ، مولانا محمد خان لغاری ، علامہ پیر زبیر عابد ، مولانا اسد اللہ فاروق ، مولانا اسید الرحمن سعید، علامہ اصغر عارف چشتی ، مولانا محمد نعیم بادشاہ ، مولانا محمد اسلم قادری ، قاری شمس الحق ، حافظ محمدنعمان حامد ، مولانا محمد اسلم صدیقی ، علامہ یونس حسن ، قاری مبشر رحیمی ، مولانا عبد الحکیم اطہر ، سید فرزند علی سودھے بئے موجود ہن ۔ حافظ طاہر محمود اشرفی آکھیا جو مدارس عربیہ دی وزارت تعلیم نال رجسٹریشن دا فیصلہ موجودہ حکومت دا کارنامہ اے ۔ انٹرفیتھ ہارمنی کونسلز دے قیام نال بین المسالک و بین المذاہب ہم آہنگی اتے مکالمہ کوں ودھارا ملسی ، پاکستان دا آئین اتے قانون مسلماناں تےغیر مسلماں دے حقوق دا محافظ اے، متروکہ وقف املاک بل تے مدارس و مساجد دے جائز تحفظات کوں دوررکھیا ویسی ، بعض قوتاں ملک اچ دین دا نام گھن تے ونڈ ݨا چاہندی اے ۔ حزب اختلاف دے ذمہ داراں کوں ٹی وی تےمناظرہ دا چیلنج ݙینداں جو موجودہ حکومت مدارس و مساجد ، عقیدہ ختم نبوت و ناموس رسالت دی چوکیدار اے ۔ انہاں آکھیے جو ملک اچ کہیں کوں نفرت نہ کھنݙاوݨ ݙیسوں ۔ مقدسات دی توہین دی کہیں کوں اجازت کائنی سارے اسلامی و عرب ملکاں نال سارے شعبیاں اچ تعلقات اچ تعاون ودھیندے پیئوں ۔ منفی پراپیگنڈہ کرݨ آلے پاکستان دے سارے عرب اسلامی ملکاں دے نال تعلقات بہوں مستحکم اتے تکڑے ہن۔ ۔ سعودی عرب پاکستان دے سیاسی معاملات اچ مداخلت نعیں کریندا ۔ الحمدللہ پاکستان ہک تکڑا اتے مستحکم ملک اے ، سعودی عرب دی پاکستان اتے پاکستان دی عوام نال یاری اتے تعلق اے ، دوست ملکاں بارے افواہ سازی توں بچݨاچاہیدے۔
.jpg)
.jpg)
