بشکیک واقعہ غلط فہمی دا نتیجہ اے سیاسی پوائنٹ سکورنگ کیتے سوشل میڈیا تے غلط خبراں کھنݙائی ڳئن، صرف پاکستانی نی ٻئے ملکاں دے طلبہ کوں وی نشانہ ٻݨایا ڳئے، وزیر خارجہ اسحاق ڈاردا پریس کانفرنس توں خطاب

لاہور۔19مئی (اے پی پی) نائب وزیراعظم اتے وزیر خارجہ اسحاق ڈار آکھیا جو بشکیک واقعہ غلط فہمی دا نتیجہ اے سیاسی پوائنٹ سکورنگ کیتے سوشل میڈیا تے غلط خبراں کھنݙائی ڳئن، صرف پاکستانی نی ٻئے ملکاں دے طلبہ کوں وی نشانہ ٻݨایا ڳئے۔ شہریاں دی حفاظت پہلی ترجیح اے، واقعے دے فوری بعد وزارت خارجہ اچ ایمرجنسی یونٹ فعال کیتا۔ وزیر اعظم محمد شہبا زشریف معاملہ کوں ݙیکھدے پئن ہݨ حالات نارمل ہن۔ اے ڳالھیں انہاں آݙت وار کوں ماڈل ٹاؤن اچ پریس کانفرنس توں خطاب کریندیں ہوئیں آکھی۔ ایں موقع تے وفاقی وزیر اطلاعات و نشریات عطا اللہ تارڑ اتے وفاقی وزیر برائے امور کشمیر امیر مقام وی موجود ہن۔ نائب وزیراعظم تے وزیر خارجہ اسحاق ڈار آکھیا جو کرغزستان اچ واقعہ افسوسناک اے، حکومت ایں اوکھ اچ متاثرین کوں کلھا کائنا چھڑیسی۔ زخمی پاکستانی طلبا کوں علاج دی سہولتاں ݙتی ویندی پئن۔ اللہ دا شکر اے جو طلبہ محفوظ ہن۔ سیاسی پوائنٹ سکورنگ کیتے سوشل میڈیا تے غلط خبراں کھنݙائی ویندی پئن، صرف پاکستانی طلبہ نئی بھارت، بنگلہ دیش اتے عرب ملکاں دے طلبہ کوں وی واقعے اچ نشانہ ٻݨایا ڳئے۔

مضمون کا ماخذ : لاٹری کے انعامات

متعلقہ مضامین