قو می معیشت اچ زراعت ریڑھ دی ہڈی دی حیثیت رکھیندی اے، ملک دی ترقی کیتے برآمدات تے توجہ ݙیوݨی پوسی، رانا تنویر حسین

لاہور۔12اگست (اے پی پی) وفاقی وزیر صنعت تے پیداوار رانا تنویر حسین آکھیا جو قو می معیشت اچ زراعت ریڑھ دی ہڈی دی حیثیت رکھیندی اے، ملک دی ترقی کیتے برآمدات تے توجہ ݙیوݨی پوسی۔وزیر اعظم محمد شہباز شریف دی مدبرانہ قیادت اچ ملک ڈیفالٹر تھیوݨ توں بچ ڳئے۔ اوکھے فیصلیاں دے بعد معیشت بحال تھیوݨ شروع تھی ڳئی اے۔ اے ڳالھیں انہاں سنوار کوں ملت ٹریکٹر فیکٹری دے دورہ دے بعد میڈیا نال ڳالھ مہاڑ کریندیں ہوئیں آکھی۔ انہاں آکھیا جو قو می معیشت اچ زراعت ریڑھ دی ہڈی دی حیثیت رکھیندی اے، ملک دی ترقی کیتے برآمدات تے توجہ ݙیوݨی پوسی۔ ملک کوں کئی چیلنجز ہن، اساݙا ہدف معیشت کوں بحال کرݨ اے۔ ایں موقع تے انہاں آکھیا جو زراعت اچ ملت ٹریکٹر کمپنی دی خدمات ٻہوں اہم ہن۔ زراعت دے شعبے کوں بہتر کرݨ کیتے میسی فرگوسن ٹریکٹر دی کوالٹی کوں ٻیا بہتر کرݨ اتے نرخاں بارے مناسب ریٹ ݙے تے برآمدات نال معیشت کوں مضبوط کرݨ اچ اہم کردار ادا کر سڳدے۔ حکومت ملت ٹریکٹر دی برآمدات اچ تعاون کریسی۔

مضمون کا ماخذ : resultados loteria Bahia

متعلقہ مضامین