وفاقی وزیر داخلہ محسن نقوی نال اقوام متحدہ دے خصوصی نمائندہ افغانستان دی قیادت اچ وفد دی ملاقات

اسلام آباد۔28اگست(اے پی پی) وفاقی وزیر داخلہ محسن نقوی نال اقوام متحدہ دے خصوصی نمائندہ افغانستان اندریکا رتوتے دی قیادت اچ وفد وزارت داخلہ اچ ملاقات کیتی ۔ اعلیٰ سطح دے وفد اچ اقوام متحدہ دے ریذیڈنٹ کوآرڈینیٹر محمد یحییٰ، فدی ایل اتے افغانستان اچ اقوام متحدہ مشن دے سربراہ مالک سیسے وی شامل ہن۔ وفاقی وزیر داخلہ وزارت داخلہ آوݨ تے اقوام متحدہ دے وفد دا خیر مقدم کیتا۔ اقوام متحدہ دے خصوصی نمائندہ افغانستان بلوچستان ا?? دہشتگردی دے اڄوکے واق??ات دی پرزور مذمت کیتی۔ وفاقی وزیرداخلہ محسن نقوی وفد نال ڳالھ کریندے آکھیے دہشتگردی ھک عالمگیر مسئلہ اے اتے پاکستا?? دہشتگردی توں ساریں توں ودھ متاثر ملکاں اچوں ھک اے ، دہشتگردی دے خلاف جنگ اچ سکیورٹی فورسز، پولیس اتے شہریاں دیاں قربانیاں دی مثال نی ملدی ۔ وزیر داخلہ محسن نقوی پاکستان اچ حملیں اچ کالعدم ٹی ٹی پی دے ملوث ہووݨ دا وفد کوں ݙسایا ڳئے ، انھاں آکھیے کالعدم ٹی ٹی پی حملیں سانڳے افغانستان دی سرزمین استعمال کریندی پئی اے ایں کوں ہرصورت روکݨا ہوسی ، پاکستان افغانستان اچ امن اتے استحکام چاہندے تے ایں ضمݨ اچ ہرممکن کردار نبھیندا پئے ۔ وفاقی وزیرداخلہ محسن نقوی آکھیے پاکستان کئی ݙھاکیں توں افغان مہاجرین دی مہمان نوازی کیتی اے ، غیر قانونی طور تے رہݨ آلے غیر ملکیاں دی واپسی دا مرحلہ وار آغاز کیتا ڳئے ،انھاں واضح کیتے جو قانونی دستاویزات دے حامل لوکاں دے خلاف کوئی کارروائی نی کیتی ویندی پئی ، ویزا تے ٻئے قانونی دستاویزات دے بغیر کہیں کوں پاکستان اچ رہݨ دی اجازت نی ݙے سڳدے ۔ وختی افغان مہاجرین دی واپسی دا ݙو??ھا مرحلہ شروع کیتا ویسی ۔ وفاقی وزیرداخلہ محسن نقوی افغان مہاجرین دی بحالی سانڳے اقوام متحدہ اتے بین الاقوامی برادری دے کردار دی لوڑھ تے زور ݙتا۔ اقوام متحدہ دے خصوصی نمائندہ افغانستان اندریکا رتوتے افغان مہاجرین اتے دوحہ ڈائیلاگ تے پاکستان دے کردار دی تعریف کیتی تے آکھیے افغان مہاجرین دی مستقل بحالی تے افغان حکومت نال کم کریندے پیوں