اسلام آباد۔19اکتوبر (اے پی پی):وفاقی وزیر اطلاعات و نشریات چوہدری فواد حسین آکھیے جو نبی کریم حضرت محمدؐ دی سیرت اساݙے کیتے مشعل راہ ہے، آپؐ دے اسوہ حسنہ تے عمل ہی دنیا و آخرت اچ کامیابی دا ضامن اے، اڄ پاکستان کوں ریاست مدینہ دے طرز تے ڈھالݨ دا مقصد اپݨے رہبر و پیغمبر دی صفات اتے اسوہ حسنہ تے عمل درآمد دی کوشش اے ، انہاں 12 ربیع الاول یوم ولادت رسولؐ دے موقع تے آپݨے پیغام اچ آکھیے جو اساݙی کوشش اے جو اساں ریاست مدینہ دے تصور تون پوری طرح رہنمائی حاصل کر تے وطن عزیز کوں ھک فلاحی ریاست دے سانچے اچ ڈھالوں۔ ہݨ منزل زیادہ پرے کائنی ، بہوں جلدی ایندے مثبت اثرات مرتب تھیسن ۔ وفاقی وزیر اطلاعات آکھیے جو اساکوں اسوہ حسنہ توں رہنمائی گھن تے معاشرے اچ امن و بھرپی دے ودھارے تے فلاح انسانیت کیتے کم کرݨا ہوسی ۔ چوہدری فواد حسین آکھیے جو خاتم النبینؐ دی حیات طیبہ نہ صرف مسلماناں بلکہ ساری انسانیت دی سیرت و کردار دی تعمیر اتے اخلاق و اعمال دی درستگی دی عمدہ مثال اے۔ انہاں آکھیے جو نبی کریمؐ دی تعلیمات تے عمل کرتے اساکوں قومی، مذہبی اتے اجتماعی مفادات کوں سامݨے رکھیندے ہوئیں آپݨی سوچ اتے رویں اچ تبدیلی گھن آوݨی ہوسی ۔ وفاقی وزیر اطلاعات آکھیے جو عصر حاضر دا تقاضا اے جو اساں عشق محمدﷺ کوں آپݨے کردار، گفتار اتے عملی نمونہ توں دنیا تے ثابت کروں ۔ انہاں دعا کیتی جو ماہ ربیع الاول اساݙے کیتے باعث رحمت و بخشش ہووے تے اللہ تعالی اساکوں محسن انسانیت نبی کریمؐ دے اسوہ حسن تے عمل پیرا تھیوݨ دی توفیق عطا فرماوے اتے وطن عزیز کوں حقیقی ترقی و خوشحالی دی رستے تے ٹورے ۔
.jpg)
