پنجاب، پختونخوا اتے وفاق اچ موجود سرکاری زمین تے ایندے قائم (ریسٹ ہاﺅسز) متعلق دستیاب 90 فیصد اعدادوشمار دے مطابق محض شہری زمین تے ایندے تے قائم عمارتاں دی قیمت 300 ارب روپے توں ودھ ہے ، وزیراعظم عمران خان دا سوشل میڈیا تے ٹویٹ

اسلام آباد ۔ 10ستمبر (اے پی پی) وزیر اعظم عمران خان آکھیے جو پنجاب، پختونخوا اتے وفاق اچ موجود سرکاری زمین تے ایندے تے قائم آرام گاہیں ( ریسٹ ہاﺅسز ) متعلق دستیاب 90فیصد اعداد شمار دے مطابق محض شہری زمین تے ایندے تے قائم عمارتاں دی قیمت 300ارب روپے توں ودھ ہے ،اپنڑیاں آندیاں نسلاں تے قرضے دا بوجھ پیندے ہوئیں 5ارب روپے یومیہ ادا کرنڑ آلا ملک غیر استعمال شدہ سرمائے دے وڈے ڈھیر تے بیٹھے ،سنوار کوں سوشل میڈیا تے جاری اپنڑی ٹویٹ اچ وزیراعظم آکھیا جو پنجاب ، پختونخوا اتے وفاق اچ موجود سرکاری زمین تے ایندے تے قائم آرام گاہیں(ریسٹ ہاﺅسز) متعلق 90 فیصد اعدادوشمار میڈے سامنڑے ہن۔ انہاں ہوشربا اعداد و شمار دے مطابق 34459کنال زمین دیہاتی علاقیں تے مشتمل ہے جڈاں جو17035کنال سرکاری زمین شہری علاقے اچ واقع ہے ۔انہاں آکھیا محض شہری زمین تے ایندے تے قائم عمارتاں دی قیمت 300ارب روپے توں ودھ ہے ۔انہاں آکھیا ایجھا ملک جیرھا جو سود دی ادائیگی سانگے وی آپنڑیاں آندیاں نسلاں تے بوجھ دے قرض دا سہارا گھندے ،اوسرکاری زمین /عمارتاں دی شکل اچ استعمال شدہ سرمائے دے وڈے ڈھیر تے بیٹھے ۔پاکستان 5ارب روپے یومیہ سود ادا کریندے جڈاں جو ایندی شہری املاک دے 90فیصد حصے دی قیمت 300ارب روپے توں ودھ ہے ۔

مضمون کا ماخذ : raspadinha آن لائن مفت

متعلقہ مضامین