اسلام آباد ۔ 10 جون (اے پی پی)وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو ماضی گواہ اے جو پارلیمنٹ اچ کھڑے تھی تے کوڑ مارنڑ شریف برادران دا شیوہ اے ، پاکستان دی ساریں توں وڈی عدالت پارلیمنٹ اچ ماریے گے کوڑ تے نواز شریف کوں کوڑا قرار ڈتا ،انہاں دی عمران خان تے انگلی چاونڑ بے معنی اے ، وزیراعظم دا بیان نقلی اکاﺅنٹس آلے ، ٹیکس چوراں تے بے نامی داراں کیتے ہئی،30 جون توں پہلے اپوزیشن دی چیخ و پکار چور دی ڈاڑھی اچ تنکا دے مصداق اے تے ایں گال کوں ظاہر کریندے جو وزیراعظم دا موقف درست اے۔ سنوار کوں اپنڑے بیان اچ ڈاکٹر فردوس عاشق اعوان آکھیے جو حالی تاں30 جون کائنی آیا تے اپوزیشن دیاں چیکاں شروع تھی گن ۔انہاں آکھیے نواز شریف اتے آصف علی زرداری قرضے باہرلے ملک جائیداداں بنڑاونڑ جڈاں جو عمران خان انہاں دے گھدے گے قرضے ڈیونڑ کیتے قرضے گھندے پن ۔ ڈاکٹر فردوس عاشق اعوان عوام، صنعتکاراں اتے تاجراں توں اپیل کیتی جو او وزیراعظم دے پیغام دا جواب اثاثے ظاہر کرتے ڈیون تے ٹیکس اصلاحات ایجنڈے دا حصہ بنڑن ۔ انہاں آکھیا جڈاں وی اپوزیشن دی کرپشن دی گال کرو تاں وزیراعظم دی ذات تے حملہ کریندن، ہک پاسے اپوزیشن دعویٰ کریندی اے جو انہاں دے منصوبے چوری کیتے ویندے پن تے ڈوجھے پاسے انہاں منصوبیں تے تنقید کریندی اے ۔ ڈاکٹر فردوس عاشق اعوان آکھیا جو اپوزیشن سیاسی منافقت دا شکار اے۔
