کراچی۔10اگست (اے پی پی):وزیراعظم عمران خان آکھیے جو پاکستان ٹیکنالوجی دے شعبہ اچ اڳوں ودھدا پئے ، کرنٹ اکائونٹ خسارہ گھٹ توں گھٹ تھی ڳئے لیکن معیشت دی ترقی نال ایندے تے دبائو ودھدا پئے ، اساکوں برآمدات ودھاوݨ ، منی لانڈرنگ روکݨ تے توجہ ݙیوݨی اے ، ٻاہرلے ملک پاکستانی بینکنگ چینل توں آپݨی رقم پٹھن ، اساں خود انحصاری دے رستے تے ٹر پیوں ، شپ لفٹ اینڈ ٹرانسفر سسٹم دی تنصیب نال جہازرانی دی صنعت ترقی کریسی تے معیشت کوں فیدہ تھیسی ، اے ڳال انہاں منگل کوں کراچی شپ یارڈ اچ شپ لفٹ اینڈ ٹرانسفر سسٹم دی افتتاحی تقریب توں خطاب کریندے ہوئیں آکھی اے ۔ تقریب اچ گورنر سندھ عمران اسماعیل،وفاقی وزرا اسد عمر، زبیدہ جلال، علی زیدی وی موجود ہن ۔ وزیراعظم آکھیے جو میکوں خوشی اے جو ٹیکنالوجی دے شعبہ اچ اساں اڳوں ودھدے پیوں ۔ پاکستان 50 سال پہلے ترقی دے جیڑھے سفر تے گامزن ہئی بدقسمتی نال بعد دے سالاں اچ او برقرار نہ رکھ سڳیا تے اساں آپݨے پیراں تے کھڑے تھیوݨ ، خودانحصاری اتے اڳوں ودھݨ دی بجائے ݙوجھیں تے انحصار شروع کرݙتا ۔ اساں آپݨی قوت کوں نی سنڄاتا تے سہارے ڳول ڳھدے ۔ وزیراعظم آکھیے جیڑھیاں قوماں مزاحمت نی کریندیاں او کݙاہیں آپݨے پیراں تے کھڑیاں نی تھی سڳدیاں ۔ ریاست مدینہ دے اصولاں تے جیرھی وی قوم چلسی او ترقی کریسی اتے کامیاب تھیسی ۔ نبی کریم ﷺ دی زندگی اساں کیتے مشعل راہ اے۔ آپ ﷺ غیر ملکی سربراہان کوں خطوط لکھیے تاں انہاں توں امداد نی منگی بلکہ انہاں کوں اللہ دا پیغ??م پڄایا تے خود دار قوم کھڑی کرتے انسانی تاریخ ??ا دھارا بدل ݙتا۔ آپ ﷺ دی تشکیل ݙتی ہوئی قوم دنیا د?? امامت کیتی۔ وزیراعظم آکھیے جو میکوں خوشی اے جو اساں آپݨے پیراں تے ول کھڑا تھیوݨ دی کوشش کریندے پیوں ۔ کراچی شپ یارڈ اچ بحری جہازاں دی مرمت دے نظام دی ترقی اتے ٹیکنالوجی دے استعمال توں ملک دا پیسہ بچسی جیڑھا کم اساکوں ݙوجھے ملکاں توں کراوݨا پوندا ہئی ہݨ اتھاں تھیسی ، ایندے توں نہ صرف قیمتی زرمبادلہ دی بچت تھیسی بلکہ اساں ݙوجھے ملکاں کوں وی اے سہولتاں ݙیسوں ۔
